පුටුව ගන්න ගිහින් පාර උරුම වූ දයාසිරි

තමා ශ්‍රී ලංකා නිදහස් පක්ෂයේ මහ ලේකම්වරයාගේ තනතුර හොබවන බව පවසමින් පාර්ලිමේන්තු මන්ත්‍රී දයාසිරි ජයසේකර මහතා එම පක්ෂ මුලස්ථානය ඉදිරිපිටදී අද (05) වැඩ භාරගත්තා.

පක්ෂ මූලස්ථානය දොරගුළු දමා ඇති බැවින් මෙසේ ඔහු පක්ෂ මූලස්ථානය ඉදිරිපිටදී වැඩ භාර ගෙන ඇති බවයි වාර්තා වන්නේ.

A9 පාර වස්සපු 'ගින්න අස්සේ' ගෑස් සිලින්ඩර 50ක් ?

අකුරණ නගරයේ බේකිරි නිෂ්පාදන ආයතනයක සහ අවන්හලක විශාල ගින්නක් හටගෙන තිබෙනවා.

ඒ, හේතුවෙන් ඒ - 9 මාර්ගය ද තාවකාලික වසා දැමීමටයි පොලීසිය පියවර ගෙන ඇත්තේ.

අද (05) අළුයම මෙම ගින්න හටගෙන ඇති අතර එය අසළ වෙළෙඳසැල්වලටද ව්‍යාප්ත වී තිබෙනවා.

ගින්න පාලනය කිරීම සඳහා මේ වනවිට කටයුතු කරමින් සිටින බව පොලීසිය ප්‍රකාශ කළා.

කෙසේ වෙතත් අදාළ අවන්හලේ ගෑ-ස් සිලින්ඩර 50ක් පමණ ඇති බවට වාර්තා වන අතර ඒ හේතුවෙන් ගින්න තවදුරටත් ශීඝ්‍රයෙන් ව්‍යාප්ත වන බව සඳහන්.

ඒ අනුව ගින්න පාලනය කිරීමේ කටයුතුවලටද බාධා එල්ල වී ඇති බවයි වාර්තා වන්නේ.

VIDEO මෙතනින් බලන්න

මාතරින් නව දේශපාලන ගමනක් ඇරැඹුවා

 මේ දිනවල රටේ සමහර තැන්වල ප්‍රදර්ශනය වූ පෝස්ටරයකින් කියවුණේ ‘සුබ ආරංචියක්’ එන බවයි. සාමාන්‍යයෙන් ඉතිහාසයේ ‘සුබ ආරංචි’ කතාව තිබුණේ කතෝලික දේවධර්ම ඉගැන්වීම් තුළ දැක්වෙන සුබ ආරංචිය පිළිබඳ දේශනාව තුළය. එහෙත් මේ දිනවල පෝස්ටර් ගසා සමහරුන් විසින් ප්‍රසිද්ධ කරන්නට හදන්නේ එවැනි ආගමික සුබ ආරංචියක් නොව දේශපාලන සුබ ආරංචියක් පිළිබඳවය.

ආණ්ඩුවේ රනිල් වික්‍රමසිංහ පාර්ශ්වයට අනුව මේ කියන සුබ ආරංචිය වන්නේ ‘ණය ප්‍රතිව්‍යුහගත කිරීමේ ක්‍රියාවලියේ එක් කොටසක් වන පැරිස් ක්ලබ් සංවිධානය යටතේ සිදුවූ ද්විපාර්ෂික ණය හිමියන් සමග ගිවිසුමක් අත්සන් කිරීමත්, චීනය සමග ණය ප්‍රතිව්‍යූහගතකරණය කිරීමේ ගිවිසුමක් අත්සන් කිරීමත්ය.’

ආණ්ඩුවේ පොහොට්ටු පාර්ශ්වයට අනුව මේ කියන සුබ ආරංචිය වන්නේ පොහොට්ටුවෙන් ජනාධිපතිවරණ අපේක්ෂකයෙක් ඉදිරිපත් කරනවා යන්නය. ඒ අපේක්ෂකයා කවුරුන්දැයි මා දන්නේ නැත. එවැනි තීරණයක් ඒ අය රැගෙන තිබෙනවා දැයි මා දන්නේ ද නැත. මා ඒ ගැන දන්නා එකම දේ එවැනි තීරණයක් රටට සුබ ආරංචියක් නොවන බවය.

මෙවර කිවිදා දැක්මෙන් මා සාකච්ඡා කරන්නේ මේ මොහොතේ රට හමුවේ තිබෙන සුබ ආරංචි කීපයක් ගැන සහ අසුබ ආරංචි කීපයක් ගැනය. ඒ මගින් බලාපොරොත්තු වන්නෙ අසුබ ආරංචි පරාජය කර සුබ ආරංචි ජයග්‍රහණය කරවීමට උත්සාහ කිරීමය. රට හමුවේ මේ මොහොතේ තිබෙන බරපතළම අභියෝගය වන්නේ සමහර අසුබ ආරංචි පරාජයට පත් කිරීමය.

 1. ජනාධිපති කියන සුබ ආරංචිය

ජනාධිපතිවරයා විසින් මේ සතියේ රට හමුවේ විශේෂ ප්‍රකාශයක් කළේය. ඔහු එහිදී කියා සිටියේ ණය ප්‍රතිව්‍යූහගත කිරීමේ ක්‍රියාවලියේ එක් කොටසක් සාර්ථකව නිමා කළ බවයි. ඒ කියන්නේ ‘පැරිස් ක්ල්බ්’ යනුවෙන් හඳුන්වන ණය හිමියන්ගේ එකමුතුව සමග ද්විපාර්ෂික ණය ගෙවීම පිළිබඳව සිදුකළ සාකච්ඡාවක් සාර්ථකව නිමා කළ බවයි. ඒ අනුව 2024 ජූනි මාසය වන විට තිබූ විදේශ ණය ප්‍රමාණය වූ ඩොලර් බිලියන 36.6 මුදලින් ඩොලර් බිලියන 17 ක් පමණ වූ ණය ගෙවීම ප්‍රතිව්‍යූහගතකරණය කරගත් බවයි.

එයට අමතරව ජනාධිපතිවරයා කියන අනෙක් සුබ ආරංචිය වන්නේ පැරිස් ක්ල්බ් සාමුහිකයට සම්බන්ධ නැති චීනය සමග ඩොලර් බිලියන 4.2 ණය මුදල ආපසු ගෙවීම ප්‍රතිව්‍යූහගතකරණය කරගත් බවයි.

ජනාධිපතිවරයා සහ ආණ්ඩුවේ සමහරුන් කියන්නේ ණය ප්‍රතිව්‍යූහගතකරණය කිරීමේ මේ කොටස නිමාකර ගැනීම නිසා රට ‘බකොළොත් භාවයෙන් මිදෙන’ බවයි. මෙහි දී කිවයුතු කරුණු කීපයක්ම තිබේ. එයින් එකක් වන්නේ රටේ ණය ප්‍රමාණයෙන් හරි අඩක්ම නියෝජනය වන්නේ ISB ණය හෙවත් ස්වෛරී බැඳුම්කර ණය වන අතර ඒ ණය සම්බන්ධව කිසිදු තීරණයක් තවමත් රැගෙන නොමැති බවයි. අනෙක් වැදගත් කාරණය වන්නේ ජනාධිපතිවරයා විසින් මේ කියන ණය ප්‍රතිව්‍යූහගතකරණය මගින් එකඟ වී ඇති කොන්දේසි රටට බරපතළ සහනයක් ලබා දෙන්නේ නැති බවයි. මෙම ගිවිසුම් ගතවීම හරහා ගෙවීමට ඇති ණය වාරිකවල දිනය පස්සට තල්ලු කරනවා හැර යහපත් ණය කපා හැරීමක් හෙවත් Hair cut එකක් ලබාගෙන නැත.

2. ආණ්ඩුව නොකියන අසුබ ආරංචි

මෙහි දී අවධානය යොමු කළ යුතු තවත් කාරණයක් වන්නේ ආණ්ඩුව නොකියන අසුබ ගණනාවක්ම මෙහි ඇතුළත්  බවයි. එයින් එකක් වන්නේ මේ ද්විපාර්ෂික ණය හිමියන් හැරුණු විට මෙරට විදේශ ණය වලින් 50% කට ආසන්න ප්‍රමාණයක් සමන්විත වන්නේ පෞද්ගලික / බහු පාක්ෂික ණය හිමියන් වන ස්වෛරී බැඳුම්කර අයිතිකරුවන් සමග බවයි. එම කණ්ඩායම සමග එකඟතාවක් ලබා ගන්නේ නැතිව ණය ශ්‍රේණිගත කරන ආයතන අපේ රට බංකොළොත් නැති (ණය ගෙවිය හැකි) රටක් ලෙසින් හඳුන්වා දෙන්නේ නැත.

ඒ නිසා පැරිස් ක්ලබ් සාමුහිකය සහ චීනය සමග අත්සන් කළ ගිවිසුම් සමගින් ‘කිරිබත් කනවාට වඩා වැඩි යමක්’ කරන්නට නම් ISB ණය හිමියන් සමග එකඟතාවකට යාම අනිවාර්යය.

මෙහිදී ආණ්ඩුව නොකියන තවත් අසුබ ආරංචියක් වන්නේ මෙම ආර්ථික අර්බුදය ගොඩ නැගුනේ කෙසේද ? කියන කාරණයයි. මෙම ආර්ථික අර්බුදය යනු 2020 – 22 පටන් ගත් එකක් නොවේ. එහි ඇත්ත තත්වය වසා කටයුතු කිරීම මෙහි ඇති බරපතළම අසුබදායක දෙයක් බව මගේ අදහසයි. විශේෂයෙන්ම ගෙවන්නට ඉතිරි වී තිබෙන (ප්‍රතිව්‍යූහගත කර ගන්නටත් තවම නොහැකි වී තිබෙන) ISB හෙවත් ස්වෛරී බැඳුම්කර ණය ඩොලර් බිලියන 17 ක් පමණ ණය රැගෙන තිබුණේ 2015 – 19 යහපාලන කාලයේ බව වසා දැමීම මෙහි ඇති තවත් අසුබ ආරංචියකි.

3. දේශපාලනයේ සුබ ආරංචි 

ණය ප්‍රතිව්‍යූහගතකරණයට අමතරව රටේ දේශපාලනයේ සුබ – අසුබ ආරංචි ගණනාවක්ම ඇති වෙමින් පවතී. ඒවා පිළිබඳවත් සටහනක් කිරීමත් වැදගත්ය.

දේශපාලනයේ තිබෙන එක් වැදගත් ආරංචියක් වන්නේ ව්‍යවස්ථාවට අනුව ජනාධිපතිවරණය මේ වසරේ ඔක්. 18 දිනට පෙර පැවැත්විය යුතු බවයි. ඒ අනුව එහි කටයුතු ලබන මාසයේ (ජූලි මාසයේ) 17 දිනයෙන් ආරම්භ වීමට නියමිතය. රටේ තිබෙන තත්වය අනුව එය යම් ආකාරයක සුබ ආරංචියක්ය. එසේ වන්නේ රටේ ජනතාවට තමන්ගේ අනාගතය සම්බන්ධයෙන් තීරණයක් ගැනීමේ අවස්ථාවක් ලැබෙන නිසාය.

දේශපාලන ක්ෂේත්‍රයේ පෙන්නුම් කරන තවත් සුබ ආරංචියක් වන්නේ රටේ විදේශ මූල්‍ය ගලා ඒම (සංචාරක කර්මාන්තය, විදේශ ප්‍රේෂණ සහ අපනයන ආදායම්) ආණ්ඩුවේ විශේෂ ව්‍යාපෘතියකින් තොරවම හොඳ පැත්තට හැරී තිබීමය. ඒ සම්බන්ධව ධනාත්මකව සිතිය යුත්තේ රාජ්‍ය ප්‍රතිපත්තිකරණය තුළ බරපතළ නව තත්වයක් ඇති කිරීමකින් තොරවම විදේශ මූල්‍ය ගලා ඒම වර්ධනය වීම පැත්තෙන් බලන විටය.

රටේ දේශපාලන ක්ෂේත්‍රයේ පෙන්නුම් කෙරෙන තවත් යහපත් වර්ධනයක් වන්නේ ජනතාව තුළ දේශපාලන මැදිහත්වීම කෙරෙහි ඇති කැමැත්ත වර්ධනය වී ඇති ආකාරයයි. විශේෂයෙන්ම ආර්ථිකයේ ගැටලු පිළිබඳව සමාජයේ සිදුවන සමහර සාකච්ඡාවන්ට ජනතාවගේ පැත්තෙන් පෙන්නුම් කරන සාධනීය දායකත්වය මෙහිදී විශේෂයෙන් සඳහන් කළ යුතුය.

4. දේශපාලනයේ අසුබ ආරංචි

ඉහත සඳහන් කළ ආකාරයේ ධනාත්මක හා සුබ පැත්තක් රටේ දේශපාලනයේ මතුවී තිබෙනවා මෙන්ම සමහර ක්ෂේත්‍රවල බරපතළ අසුබදායක තත්වයක් ද මතු වී ඇත. එවැනි කරුණු කීපයක් පිළිබඳව ද සටහන් කිරීම වැදගත්ය.

එයින් එකක් වන්නේ රටේ සමහර ප්‍රශ්න හා ගැටලුවලට හේතුව ලෙසින් සරල හා ආද්‍රනග්‍රාහී මතවාද සමාජය තුළ පැළ කරන්නට සමහරුන් දරන උත්සාහයයි. එවැනි එක මතවාදයක් වන්නේ ‘රටට පාර්ලිමේන්තුවක් එපා’ වැනි ප්‍රකාශ හරහා ප්‍රශ්නයේ හේතුව වෙනත් පැත්තකට ගෙනයාමට උත්සාහ කිරීමය.

අපේ රටේ විධායක පාලනය 1978 සිට හසුරුවන්නේ පාර්ලිමේන්තුව මගින් නොව වෙනමම ඡන්ද පත්‍රිකාවකින් පත් කරන ජනාධිපතිවරයෙකු හරහාය. කැබිනට් මණ්ඩලයට සභිකයන් පත් වෙන්නේ පාර්ලිමේන්තුවෙන් වුවත් ඒ අය වග කියන්නේ ජනාධිපතිවරයාට මිස පාර්ලිමේන්තුවට නොවේ. අය – වැය අනුමත කරන්නේ පාර්ලිමේන්තුව වුවත් එය හදන්නේ සහ රාජ්‍ය මූල්‍ය පාලනය කරන්නේ විධායකය විසින්ය. ඒ නිසා රටේ මූල්‍ය ප්‍රතිපත්තිය සහ රාජ්‍ය මූල්‍ය පාලනය යන දෙක 1978 සිට යම් කඩා වැටීමකට හසු වී තිබේ නම් එහි ප්‍රධාන වගකීම ඇත්තේ මූල්‍ය පාලනය සිදුකරන විධායක ජනාධිපතිවරුන් සහ ඒ අයගේ කැබිනට් මණ්ඩල විසින්ය. රටේ පාර්ලිමේන්තුවට යම් වගකීමක් ඇති බව සැබෑවක්ය. එහෙත් රාජ්‍ය මූල්‍ය පාලනය සම්බන්ධයෙන් සෘජු වගකීම දරන්නේ පාර්ලිමේන්තුව නොව විධායක ජනාධිපතිවරයා විසින්ය. මේ පිළිබඳව රටේ තිබෙන මතවාදය නිවැරැදි විය යුතු බව මගේ අදහසය.

තවත් පැත්තකින් රටේ ප්‍රධාන මාධ්‍ය සහ සමහර සමාජ මාධ්‍ය කටයුතු කරන්නේ රටේ ප්‍රජාතන්ත්‍රවාදය අනතුරට පත් කරන ආකාරයෙන්ය. රටේ ජනතාව ප්‍රජාතන්ත්‍රවාදී ආකෘතිය කෙරෙහි වෛර බඳින ආකාරයට මාධ්‍ය භාවිත කිරීම වැරදිය.  එක් උදාහරණයක් ගන්න. සමහරුන් තර්ක කරන්නේ 2020 පාර්ලිමේන්තුවට පත්වූ 225 මන්ත්‍රීවරු රටේ ආර්ථිකය කඩා වැට්ටුවා වැනි හැඟීමකින්ය. තවත් සමහරුන් තර්ක කරන්නේ පාර්ලිමේන්තු මන්ත්‍රීවරුන්ට වාහන, ගෙවල්, විශාල වැටුප් ලැබෙනවා වැනි හැඟීමකින්ය. මේ එකක්වත් කරුණු සහගතව සත්‍ය දේවල් නොවේ.

සමහර විදේශවල සිටින ‘ඩෑස්ෆෝරාවරුන්’ රටේ දේශපාලනය කරන්නට ලන්ඩන්, පැරිස්, නිව්යෝර්ක් නගරවල සිට කරන කතා අසන විට මේ තත්වයේ ඇති බරපතළකම වඩාත් වැඩියෙන් පෙනී යන බව පැහැදිලිය. මා කියන්නේ මැදපෙරදිග හෝ කොරියාවේ රැකියාවලට ගොස් රටට ඩොලර් ටිකක් එවන සහෝදර සහෝදරියන් ගැන නොවේ. ඒ අය රටට සම්පතක්ය. ඒ අයට අපේ ගෞරවය හිමිවිය යුතුය. එහෙත් රටේ ජනතාවගේ බදු මුදලින් වෛද්‍යවරු බවට පත් වී ජනතාවට ‘කොකා පෙන්නා’ ඇමරිකාවට පැන්න අය නිව් යෝර්ක් සිට කතා කරන්නේ රට බේරා ගන්නටය. ඒ සමහරුන් රටේ ජනතාවගේ බදු මුදලට විද්ද අයගේ ගොඩේම ඉන්න අය බව සමහරුන්ට අමතකය. මෙවැනි කාරණා පෙන්නුම් කරන්නේ දේශපාලනයේ අසුබදායක පැත්තය.

රටේ ආර්ථිකයේ සහ දේශපාලනයේ සුබ ආරංචි සහ අසුබදායක ආරංචි තෝරා බේරා ගනිමින් තීරණ ගැනීමට බුද්ධිමත් විය යුතු බව මගේ මෙවර කිවිදා දැක්මය.

(*** මහාචාර්ය චරිත හේරත්)

ගජමුතු සමග සෙබලෙක් අත්අඩංගුවට.

 තංගල්ල කොට්ඨාස අපරාධ විමරශන අංශයේ නිලධාරින් කණ්ඩායමක් විසින් ගජමුතු තුනක් සමග යුධ හමුදා සෙබලෙක් තංගල්ල නගරයේදි අද (01) සවස අත්අංගුවට ගෙන ඇතැයි දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාරයාලය පවසයි.

මෙසේ අත් අඩංගුවට ගෙන ඇත්තේ කල්ලංචිය අනුරාධපුර පදිංචි ලාන්ස් කෝප්‍රල්වරයෙකි.

සැකකාර හමුදා සෙබලා අධිකරණයට ඉදිරිපත් කිරිම සඳහා තංගල්ල පොලිස් ස්ථානය වෙත බාරදි ඇති බවද දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාරයාලය පවසයි.

රෝහලේ සිටි අයකු පැහැර ගත්තැයි කතකට ඇප

 කොළඹ පෞද්ගලික රෝහලක ප්‍රතිකාර ලබමින් සිටි 89 හැවිරිදි පුද්ගලයෙකු  පැහැරගෙන ගියේ යැයි කියන කොළඹ ජාවත්ත ප්‍රදේශයේ කාන්තාවක් ඇප මත මුදා හැරීමට කොළඹ අතිරේක මහේස්ත්‍රාත් පසන්  අමරසේන  මහතා අද  (1) නියෝග කළේය.

අසූ නව හැවිරිදි පුද්ගලයා කලක් විදේශගත රැකියාවක නිරතව සිට මෙරටට පැමිණ ඇති අතර ලංකාවට පැමිණීමෙන් අනතුරුව  ඔහුට ඇප උපස්ථාන කළ බව කියන 58 හැවිරිදි පැමිණිලිකාර කාන්තාව  විවාහ කරගෙන ඇත.

සැමියාට අසනීප වීමෙන් අනතුරුව විවාහක බිරිඳ විසින් ඔහුව කොළඹ පෞද්ගලික රෝහලක ප්‍රතිකාර සඳහා ඇතුළත් කර ඇති බවද එසේ ප්‍රතිකාර ලබමින් සිටින අතරතුර ඥාතියකු බව කියන විත්තිකාර කාන්තාව ඇතුළු පිරිසක් රෝහල් බලධාරීන්ට නොදන්නවා ඔහුව එම රෝහලෙන් රැගෙන ගොස් ගල්කිස්ස ප්‍රදේශයේ පෞද්ගලික රෝහලක් වෙත ඇතුලත් කර ඇති බව නාරාහේපිට පොලිසිය අධිකරණයට දැක්වූ කරුණු දක්වමින් පැවසීය.

ගල්කිස්ස රෝහලේ ප්‍රතිකාර ලබමින් සිටියදී අදාල පුද්ගලයා මියගොස් ඇති බවත් මිය යාමෙන් අනතුරුව විත්තිකාර කාන්තාව ඇතුළ පවුලේ ඥාතීන් විසින්  අවසන් කටයුතු කර ඇති බවද පොලිසිය අධිකරණයට දැන්වීය.

මෙලෙස පැහැරගෙන ඇත්තේ දේපළ අත්පත් කර ගැනීමේ අරමුණින් ද යන්න පිළිබඳව තවදුරටත්  විමර්ශන සිදු කරන බව පොලිසිය අධිකරණය හමුවේ පැවසීය.

තම ඥාතියාට ඇප උපස්ථාන කළ කාන්තාව ඔහු විවාහ කරගෙන ඇති බව පවුලේ කිසිවකුත් නොදන්නා බවත් ඔහු මිය යාමෙන් අනතුරුව ඔහුගේ අවසන් කටයුතු සිදුකළ බවද සැකකාරිය වෙනුවෙන් පෙනී සිටි නීතිඥවරයා අධිකරණයට දැනුම් දුන්නේය.

දෙපාර්ශවයේ කරුණු සලකා බැලූ මහේස්ත්‍රාත්වරයා සැකකාර කාන්තාවට ඇප නීයම කළේය. 
(රෝෂන් තුෂාර)

Personal brand එකක් හදාගන්නේ කොහොමද ?

Personal brand එකක් හදාගන්නේ කොහොමද.....??

මේ ලෝකෙ තියන සුපිරිම brands ටිකක් තමයි Apple , benz , bmw , facebook , coca cola කියන්නෙ . Personal branding කියලා සාමාන් යයෙන් මම අදහස් කරන්නෙ තමන්ට වටිනාකමක් , හරිම uniqueness ගතියක් එකතු කරගැනීමටයි . ඉතින් තමන්ගෙ personal brand එකෙ unique ගතිය හදාගන්න එක කට්ට කාලා කරන්න ඕන සංකීර්ණ දෙයක් නෙවෙයි .

1.  ඔයාට ඕන විදියට ඉන්න . 
2. දේවල් දකින විදිය ලස්සන කරගන්න .

- Who are you -

මම නම් photographer කෙනෙක් , මගෙ නම් ඇගේම තියෙන්නෙ music , Art එන්නෙ මගෙ ඇතුලෙන්මයි , මම නම් අනිවාරෙන්ම businessman කෙනෙක් ..
මේ ඔයාගෙ passion එක ගැනයි කියන්නෙ .ඔයා දාහක් දේවල් වලට superb . ඒ අතරිනුත් උඩින්ම තියන දේ හොයාගන්න .

- your field -

" සාර්ථක වෙන්න නම් ඔයා කරන දෙයට ආදරය කරන්න . එහෙම නැත්තම් ආදරය කරන දෙයක් කරන්න පටන් ගන්න " මෙහෙම කියන්නෙ බිල් ගේට්ස් . ඔයාට දැනෙන්න ඕන ඔයාගෙ feild එක hobby එකක් වගෙ . එහෙම වුනොත් ඔයා සිකුරාදා නිවාඩු එනකම් බලාගෙන ඉන්න එක වෙනුවට සදුදා වැඩ කරන දවස වෙනකම් ඉවසිල්ලක් නැතිව ඉදිවී .

- life history -

ඔයාගෙ අතීත ජීවිත කතාව හොද වුනත් නරක වුනත් කමක් නැහැ . ඒක දකින විදිය වෙනස් කරගන්න . ඒක නරක එකක් නම් ඔයාගෙ කතාව ලස්සන කරගන්න හම්බවුන බෝනස් එකක් විදියට දකින්න .

- personal qualities -

ඔයා ලෝබ නැති කෙනෙක් නම් , ගොඩාක් අහිංසක නම් , තද චරිතයක් නම් , සැරයි නම්.. වගේ කොලිටීස් එකතු වෙලා තමයි brand එකක් නිර්මාණය වෙන්නෙ . අනිත් අයටවත් තමන්ටවත් අංශුවක හානියක් නැති කොලිටීස් අමුතුවෙන් වෙනස් කරන්න යන්න ඕනත් නැහැ .

- unique things -

ඔයාගෙ අඩුපාඩු ගැන හිතලා දුක් වෙන කෙනෙක් නම් ... මේ අඩුපාඩුම තමයි ඔයාව අනිත් අයගෙන් වෙන් කරලා unique කරලා අදුරගන්න items වෙන්නෙ . ප් රශ්නෙ තියෙන්නෙ ඒ දේවල් ගැන ඔයා සතුටු නොවී දුක් වෙන්න යන එකයි . වෙනස් කරන්න පුලුවන් අඩුපාඩු නම් වෙනස් කරගන්න . ඒක ප් රශ්නයක් නැහැ . එහෙම බැරි අඩුපාඩු කියන්නෙ ඔයාට හම්බවුන තෑගි විදියට දකින්න පටන් ගන්න . අඩුපාඩු නිසා unique වුන කෙනෙක් තමයි winnie harlow කියන්නෙ හොයල බලන්න එයා ගැන .

" personal brand එකක් කියන්නෙ ඔයාගෙ ඇත්තම ස්වරූපයටයි "

ලග්න රැසකට වාසනාව කැන්දන අද දවස ඔබේ ලග්නයටත් කොහොමද?

 මේෂ ලග්නය

🟢 මේෂ ලග්න හිමියන්ට අද දිනය සුබදායක දිනයක් වේ. අද දවසේ සෑහීමකට පත් විය හැකි ආදායමක් ලැබේවි. රැකියා ස්ථානයේ ඔබට අපේක්ෂිත ස්ථාන මාරුවක් ලැබෙනු ඇත. කර්මාන්තයට අදාළ නවීන මෙවලම් මිලදී ගැනීමට දරන උත්සාහය සාර්ථක වනු ඇත. ශුභ කටයුතු සඳහා දරන උත්සාහය තුළ යහපත් ප්‍රතිඵල ලැබේ. පරණ ණය ගෙවන්න.

වෘෂභ ලග්නය

🟢 වෘෂභ ලග්න හිමියන්ට අද දවස කරදරකාරී දිනයක් වනු ඇත. අද දවසේ පවුල් ප්‍රශ්න මතුවී පහව යනු ඇත. රැකියා ස්ථානයේ සම සේවකයින් සමඟ අනවශ්‍ය සාකච්ඡා ඇති වේ. ඔබේ සහකරුට විශ්වාස කිරීම වඩා හොඳය. ඔබගේ මුදල් අවශ්‍යතාවය වැඩි වේ. සෞඛ්‍යයට අවධානය අවශ්‍යයි.

මිථුන ලග්නය

🟢 මිථුන ලග්න හිමියන්ට අද දවස සුබ දවසක්. අද පවුලේ ප්‍රීතිමත් සිදුවීම් ඇතිවේ. ගෘහ භාණ්ඩ මිලදී ගැනීමට ඔබ උනන්දු වනු ඇත. ශාරීරික සෞඛ්‍යය යහපත් වනු ඇත. සියලු ශුභ කටයුතු සාර්ථක වනු ඇත. ව්‍යාපාරික චාරිකාවලින් වාසි ගෙනදේ.

කටක ලග්නය

🟢 කටක ලග්න හිමියන්ට අද දවස එතරම් සුබදායක නොවේ. අද ඔබ කලබලයට පත් වනු ඇත. නියමිත වේලාවට වැඩ කිරීමේදී කාර්යයන් සම්පූර්ණ කිරීමට අපහසු වීම. සගයන්ගේ සහයෝගය ලැබීම යහපත්ය. පවුල තුළ මතභේද ඇති වේ. අද දිනයේ මුදල් ප්‍රශ්න ඇතිවීමට ඉඩ ඇත. එබැවින් මුදල් ගනුදෙනු වලදී කල්පනාකාරී විය යුතුය.

සිංහ ලග්නය

🟢 සිංහ ලග්න හිමියන්ට ඉවසීමෙන් කටයුතු කිරීමට අද දිනය ඉතා වැදගත් වේ. රැකියා ස්ථානයේ වැඩ වැඩි වනු ඇත. උසස් අයගේ නියෝග පිළිපැදීම වඩාත් සුදුසුය. ජීවිත සහකරු සමඟ කලකිරීම් ඇති වේ. අද වියදම් වැඩි වේවි. ව්‍යාපාරවලින් බලාපොරොත්තු වන ලාභයක් ඔබට නොලැබේ. සෞඛ්‍ය තත්වයේ ඇස්වල කැක්කුම ඇතිවීමට ඉඩ ඇත.

කන්‍යා ලග්නය

🟢 කන්‍යා ලග්න හිමියන්ට අද දිනය සුබදායක දිනයක් වනු ඇත. අද ඔබට යහපත් මුදල් ප්‍රවාහයක් ලැබෙනු ඇත. පවුල තුළ සුබ වියදම් යෙදේ. දරුවන් සහය වනු ඇත. රැකියා ස්ථානයේ අපේක්ෂිත ස්ථාන මාරුවක් ලැබෙනු ඇත. වෘත්තීමය වශයෙන් විදේශ ගමන් යාමට සිදු විය හැක. ගෘහ අවශ්‍යතා සපුරාලනු ඇත. ණය අඩුවේවි.

තුලා ලග්නය

🟢 තුලා ලග්න හිමියන්ට අද දවස සාමකාමී වේ. රැකියා ස්ථානයේදී ඔබට පිළිගැනීමක් ලැබෙනු ඇත. ඔබේ සහකරු ඔබේ සිහිනවලට සහාය වනු ඇත. අද ඔබේ මුදල් ප්‍රවාහය වැඩි වනු ඇත. ඉතිරිකිරීම් ප්‍රමාණවත් වනු ඇත. සෞඛ්‍යය ස්ථාවර වනු ඇත.

වෘශ්චික ලග්නය

🟢 වෘශ්චික ලග්න හිමියන්ට අද දවස දුෂ්කර දවසකි. අද දින කුඩා සෞඛ්‍ය ගැටලු ඇතිවේ. සිතේ සහනය අඩුවේවි. රැකියා ස්ථානයේ අන් අයගේ කටයුතුවලට මැදිහත් නොවී සිටීම හොඳය. මූල්‍ය තත්ත්වය ස්ථාවර නොවනු ඇත.

ධනු ලග්නය

🟢 ධනු ලග්න හිමියන්ට අද දිනය ඉතා යහපත් දිනයක් වනු ඇත. අද දින ඔබ නව උද්යෝගයකින් ඕනෑම කටයුත්තක නිරත වනු ඇත. සමහරුන්ට අලුත් දේවල් මිලදී ගැනීමට ආශාවක් ඇත. පවුල තුළ අඹුසැමියන් අතර මතභේද පහව ගොස් සමගිය වැඩි වේ. මුදල් ප්‍රවාහය යහපත් වනු ඇත. සෞඛ්‍යය විශේෂයි.

මකර ලග්නය

🟢 අද දිනය මකර ලග්න හිමියන්ට ඉතා යහපත් දිනයකි. අද ඔබ නව දීප්තියකින් හා ජවයකින් යුතුව දකිනු ඇත. ව්‍යාපාර කටයුතුවලදී පිටස්තර අයගෙන් වාසි අත්වනු ඇත. අපේක්ෂිත උපකාර ලැබේ. සෞඛ්‍ය යහපත් වනු ඇත.

කුම්භ ලග්නය

🟢 කුම්භ ලග්න හිමියන්ට අද දිනය සුබදායක දිනයක් වනු ඇත. අද ඔබ හොඳ මනෝභාවයකින් දකිනු ඇත. රැකියා ස්ථානයේ වාසනාවන්ත තත්ත්වයක් පවතී. ස්වාමිපුරුෂයා සහ භාර්යාව අතර සබඳතා වර්ධනය වනු ඇත. දිරි දීමනා ආකාරයෙන් මුදල් ප්‍රවාහයක් ලැබිය හැකියි. සෞඛ්‍ය යහපත් වනු ඇත.

මීන ලග්නය

🟢 මීන ලග්න හිමියන්ට අද දවස කරදරවලින් පිරුණු දවසකි. අද ඔබේ වර්ධනය මන්දගාමී වනු ඇත. රැකියා ස්ථානයේ ඔබ සගයන් කෙරෙහි උඩඟු බවක් පෙන්වනු ඇත. ඔබේ සහකරු සමඟ ආදරණිය සම්බන්ධතාවයක් පවත්වා ගැනීමට නොහැකි වනු ඇත. අද දවසේ මුදල් පාඩු සිදුවීමට ඉඩ ඇති බැවින් කල්පනාකාරී වීම වැදගත්ය. සෞඛ්‍යය කෙරෙහි අවධානය යොමු කිරීම අත්‍යවශ්‍ය වේ.